ជនសង្ស័យម្នាក់ត្រូវសមត្ថកិច្ចនគរបាលស្រុកក្រគរ ឃាត់ខ្លួនពីបទលួចទ្រព្យសម្បត្តិសាលា
03-September-2018 | ដោយ ពលមនសិការ
ពោធិ៍សាត់៖ កាលពីថ្ងៃអាទិត្យ៧រោច ខែស្រាពណ៌ ឆ្នាំច សំរិទ្ធិសកព.ស២៥៦២ ត្រូវនិង ថ្ងៃទូ០២ខែកញ្ញាឆ្នាំ២០១៨ វេលាម៉ោង១៨និង១២នាទីសមត្ថកិច្ចនគរបាលស្រុកក្រគរ បានឃាត់ខ្លួនជនសង្ស័យម្នាក់ឈ្មោះហ៊ុំ គឹមហុង(ហៅខុម គឹមហុង ) ភេទប្រុស អាយុ១៨ឆ្នាំរស់នៅភូមិថ្គោលធំ ឃុំអន្សាចំបក់ ស្រុកក្រគរ ខេត្តពោធិ៍សាត់ ពាក់ព័ន្ធករណីចូលលួចទ្រព្យសម្បត្តិរដ្ឋ នៅចំណុចទីចាត់ការសាលាបឋមសិកស្សាកោះរំដួល ស្ថិតក្នុងភូមិថ្គោលធំ ឃុំ អន្សាចំបក់ ស្រុកក្រគរ ខេត្តពោធិ៍សាត់។
លោកវរសេនីយ៍ឯក ឯម រុន អធិការនគរបាលស្រុកក្រគរបានប្រាប់ឱ្យដឹងថា ការឃាត់ខ្លួនជនសង្ស័យខាងលើ សមត្ថកិច្ចធ្វើឡើងតាមពាក្យបណ្តឹងរបស់ឈ្មោះឈុន សំបូរ អាយុ៣៤ឆ្នាំ ជានាយកសាលាបឋមសិកស្សាកោះរំដួល មានទីលំនៅភូមិឃុំកើតហេតុ និងអនុវត្តតាមបញ្ជាលោកព្រះរាជ្ញាអមសាលាដំបូងខេត្តពោធិ៍សាត់ សមត្ថកិច្ចឃាត់ខ្លួនជនសង្ស័យឈ្មោះហ៊ុំ គឹមហុង នៅចំណុចលើផ្លូវជាតិលេខ៥ ស្ថិតក្នុង ភូមិឈើទាលខ្ពស់ ឃុំក្បាលត្បាលត្រាច ស្រុក្រគរ ខេត្តពោធិ៍សាត់ពីបទលួចទ្រព្យសម្បត្តិរដ្ឋ កាលពីថ្ងៃទី០១កញ្ញា ហើយដាក់ម៉ូតូឌុបបំរុងយកទៅលក់។
ក្រោយពេលសមត្ថកិច្ចឃាត់ខ្លួនជនសង្ស័យខាងលើ រកឃើញ វត្ថុតាងរួមមាន៖ កុំព្យុះទ័រលើតុ ចំនួន១ឈុត (ស៊ីបីយូ០១-ដេសថប់០១-ឃិបថ០១) រួចយកមកកាន់អធិការដ្ឋាននករបាលស្រុកក្រគរ។
លោកអធិការ ឯម រុន បានបន្តថា ជនសង្ស័យឈ្មោះហ៊ុំ គឹមហុង ទើបតែចេញពីគុកបានរយៈពេល៧ថ្ងៃ មុនថ្ងៃចាប់ខ្លួន ពាក់ព័ន្ធពីបទលួចម៉ូទ័របូមទឹករបស់ព្រះសង្ឃនៅវត្តកោះរំដួល កាលពីថ្ងៃទី២០ ខែមិថុនា ឆ្នាំ២០១៧កន្លងមក។ បច្ចុប្បន្នជនសង្ស័យនិងវត្ថុតាងសមត្ថកិច្ចបានកសាងសំណុំរឿងបញ្ជូនមកទៅកាន់សាលាដំបូងខេត្តដើម្បីចាត់ការតាមផ្លូវច្បាប់៕
ចំនួនអ្នកទស្សនា
- ថ្ងៃនេះ2321
- ម្សិលមិញ16391
- សប្តាហ៍នេះ48551
- ខែនេះ163701
- ឆ្នាំនេះ163701
- សរុប20606157